lunes, 20 de mayo de 2013

A rúa do Castromil.

Houbo un tempo en Pontevedra en que cada rúa tiña a súa parada de bus, na da imaxe a de Pastor Díaz, entre a Michelena e o "Gobierno Militar", onde a empresa Castromil tiña as oficinas de billetes no baixo do que fora un dos hoteis máis importantes a comenzos do século XX, o Méndez Núñez, e cuia fachada principal formaba parte da Praza de San Xosé. Ata que se inaugurou en 1976 a tan demandada Estación de Autobuses moitas rúas convertíanse en "centro de actividade" todolos días con as saídas dos autobuses. Os postos de pipas e cacahuetes eran frecuentes e chegado o calor do verán os carriños dos helados a carón dos viaxeiros, como o da imaxen de "La Orensana", conformaban a estampa típica que retratou o fotógrafo Rafa Vázquez en 1961 da saída dos Castromiles.

Foto: Rafa Vázquez/Museo de Pontevedra.

1 comentario: