"Pontevedra de aquélla".

Hai tres libros aos que lle teño un cariño especial e aos que todolos días nalgun momento bótolle unha ollada, o primeiro ó de Prudencio Landín "De mi viejo carnet", o segundo, o libro de Hipólito de Saa "Estampas pontevedresas" e xa por último o de Rafael Landín Carrasco "Pontevedra de aquélla". É unha auténtica gozada sumerxirse nas vellas páxinas nas que os autores fan un percorrido pola nosa Pontevedra popular e onde veñen á memoria xentes que coñecíu de neno a través dos meus pais o meus avós. No ano 1986, no Pazo Provincial, Rafael Landín ofreceu unha conferencia sobre o seu libro "Pontevedra de aquélla" e grazas á realización e montaxe de Juan Carlos Simón, autor do vídeo, e a familia Landín, na persoa de Mage, podemos volver a revivir todo aquelo.