Paco o manco.

Paco, toda unha vida de fotografía e que se retirou os 72 anos.

Como cada semán dende hace caseque vinte anos Paco acude a súa cita do sábado con Santiago Moreira o barbeiro de unha das peluquerías mais antigas da cidade na rúa Bastida, o lado do Concello de Pontevedra. Alí cóntame como un fatal accidente trala explosión dunha botella chea de magnesio que usaban os fotógrafos nos anos cuarenta fixo que Paco sufrira a amputación da súa man dereita  e quedara medio inutilizada a esquerda. Poucas expectativas laborais lle esperaban, tras elexir como modo de vida a fotografía, pero a ilusión e a forza de vontade deste home fixeron que dous anos despois do terrible suceso, e xa recuperado, Francisco voltara a traballar coa sua cámara. Este veciño de Tomeza do "clan" dos "Mansos" fixo a mili destinado en Tánger e cando se licenciou no ano 1944 comenzou a traballar como fotográfo de rúa. Tres anos despois montou o seu propio "estudio"  Foto Paco, que non era mais que  o portal número tres da pontevedresa Rúa da Peregrina e xunto a populares establecementos como "Jomafer" ou o que fora  bar de Juan o "Coral" hoxe en día "Cafetería Chipén, ou enfrente dun histórico bar como era o "Pajariño". Alí podíamolo ver sentado detrás do mostrador atendendo os seus clientes. Frecuente era velo o día de Reis pola Ferrería fotografiando a todolos nenos cos seus novos xoguetes ou inmortalizando coa súa cámara a moitas xeracións de pontevedreses o día das Palmas ou nas Festas da Peregrina, ademáis de traballar como corresponsal para a axencia de noticias EFE e tamén para o Faro de Vigo.

Paco o "manco" casou con Carmen a súa muller de toda a vida coa que vive retirado en Salcedo con 91 anos. Tiveron  a cargo un sobrino afillado que se chamaba Pacucho ao que coñecín, e que era un neno alá nos anos sesenta que formaba parte da pandilla de rapaces da Ferrería, alí o recordo cando xogábamos os partidos de fútbol na histórica praza ata que nos botaban fora os populares "bacenillas". Desgraciadamente Pacucho xa fai moitos anos que non está con nos.